Jizzax viloyati Zarbdor tumani Zarbdor tuman -kutubxona markazi

Fantastik asarni o‘qir ekansiz, bayon etilayotgan hodisalarni xuddi real voqelikdek qabul qilasiz. O‘quvchini bunday holatga barcha yozuvchilar ham tushira olmaydilar. Adibning tanlagan mavzulari koinot, uzoq galaktikalar bilan bog‘liq bo‘lsa-da, zaminimizdagi muammolarni ko‘z oldingizga keltirasiz. Asar o‘z sayyoramizning kelajak davriga yoki vaqt bo‘yicha ko‘chishlarga, robot va inson munosabatlariga bag‘ishlangan bo‘lsa ham, yozuvchi zamonaviy hayot muammolaridan uzoqqa ketmaydi. Aksincha, ushbu masalalarga kutilmagan nuqtai nazardan qaraydiki, beixtiyor uning mahoratiga tan berasiz.